Bilo da sidnen na škrapu
il’ se opružin pod pinjol
zna di triba burdižat
od moje duše jarbol
Tu san u raju crcajki
di me je gingala nona
u libru ruzinavih bajki
šćipju me nonota zvona
Dil sam svakog zrna soli
nota arije maestrala
čehuja ča lozu voli
zbog svega ča je dala
U srcu sam svake stine
ča čuva blaga za sina
u balu stare česmine
čujen moga grdelina
Na slici: nono Bepo, rodica Anđelka, barba Pero i nona Anđelka
